A Tony Scano
Oi Gonnadramatza est in luttu,
Tony Scanu est partiu,
ddu prangidi a sunguttu,
adiosu fillu miu.
Sesi istau fillu bonu
et prenu de talentu,
po sa bidda veru donu,
in s'abbisongiu sempri attentu.
In d'onnya ricorrenzia
fusti sempri promudori
ponendi in s'occorrenzia
is formas de s'onori.
D'onnya cosa in bidda nosta
tui ddasi annoditzada,
in primu pianu tui dda posta
et poi ddasi immortalada.
Sa bidda intera tottu
t'est riconoscenti,
po finzas dopu mottu
ti portada in sa menti.
Sa mulleri et is fillus
ddu pranginti in dolentia
is paesanus prus tranquillus
ddis donanta passientia.
Antonyxeddu adiosu,
de coru ti saludu
tui potzas teni gosu
in cussu mundu mudu.
Antonio Giuseppe Abis
24 Novembre 2011
