ERMEGENTIA TRAMATZESA
Agitoriu, agitoriu,
agitoriu.
In bidda nosta est
acclarada s'emergentia,
su risigu est de curry in
gimitoriu
ky luegu non si ponit
riparentia.
A su sindigu sa conca
dd'est appillada,
at perdidu s'ordigu de sa
guida,
a sa giunta una zonca
s'est affracada,
cun su sinnu de sa bidda
s'est fuida.
Sa bidda est in dolentia
cun s'umori iscurigau
dimandemus soccorrentia
a su populu emigrau.
Simus prontus a intervenni
pro su logu tramatzesu,
cun su cuaddu eus a benni
cun su sproni da atesu.
A sa bidda promittimus
ky si sanit su machiori
d-onnya sabidu ponimus
cun aranias de lugori.
Is domus et is arrugas
antessi sistemadas
cum rispetti de is
arregulas
pro totu is cantonadas
Sa campagna coltivada
in d-onnya gratia e Deus
a sa genti malandada
su sostegnu ddi poneus
Sa cultura dd'at poneus
po is infantis e is
matuccus,
s'istruzioni disponeus
po iscrapuddu a is
mammaluccus.
Sa limba nosta tramatzesa
dda donaus in conoscentia
kystionada biatzesa
po d-onnya ricorrentia.
Cusano Milanino, 30 Marzo
2015
Antonio Giuseppe Abis
