SA VIDA NOBA
Candu arriba s'ora mia,
po s'urtima partenza,
ollu biri a mamma mia
ki mi d'onada accoglienza.
In sa porta de su scèu
c'est babbu ki m'aspettada
cun sa mamma de su Deu
ki d-onnya fillu accettada.
E nonna Margherita
cun is pobiddus ambadusu,
cun boxi de iscrilita,
non si lasseus prusu!
Mamma mi presentada
a sa mamma sua Pasqualla,
de su prexu mai s'assentada
fedendi sempri scialla.
Su babbu beni bistiu
cun su stimentu antigu,
de isura allipuzziu
luxenti ke su sprigu .
Aiaiu Faustinu
cun is pobiddas a costau
cumenti m'anti biu
no m'anti prus lassau.
D-onnya razza de parenti
mancu intendiu nomonai,
in sa festa sia presenti
po mi podi saludai.
Sa vida noba inghizzada
sa die ki si morridi,
su prantu dd'arranguizzada
a sa notti ki scoloridi.
Is parentis ki eus prantu
in tempus prus antigus
si binti po ispantu
impari cun is amigus.
Sa vida noba inghizzada
in sa diciosa sorti
po ki s'arranguizzada
non timidi a sa morti.
Antonio Giuseppe Abis, 30 Giugno 2013
