A FRADI

A FRADI

Fradi no saludada

po is tortus ki at subiu,

s'orgogliu no scabudada

po cantu adessi biu.

Is terras at lassau

po forza de justitia,

no est arrassegnau

a s'ora de dovitia.

Lassendi totu is terras

cun pagu cumpraxentia,

at pagau is aspesas

cumenti in cumbanentia.

Mannu su scramentu

ki dda lassau mudu,

custu su momentu

ki nega su saludu.

Sa pobidda et is fillus

si funti ammutolius,

no parrinti tranquillus

et mancu prus pentius.

Fatta sa justitia

s'est perdiu su kistionu,

est naxia s'inimicitia

ki negat su perdonu.

Terras de valori

prus de su saludu,

ottenias cun s'onori

ki torra fradi mudu.

Sa terra eredidada

cun giustizia dividida,

sa famiglia s'est istorrada

po totu custa vida

.

Unu tortu aici mannu

ki no pota su rimediu,

ki at fattu custu dannu

no tenga mai assebiu

.

At segau is pendentis

de una famiglia unida,

no esistinti parentisi

po cantu abarra fida.

Candu unu pipiu

domanda cun innocentia,

poite custu tziu

nega riverentia?

Unu tziu privau

de unu possessu antigu,

ddanti spodessau

poite fu nemigu.

Totu su ki teniaus

in diada arrabusuncau

terrasa e cungiaus

dopu in da torrau.

Custu trattamentu

dd'at mortificau

in s'ora de iscramentu

in su saludu s'est istorrau.

D-onnya fillu at tentu

sa quota de ispettanza,

cuncunu no est cuntentu

ma rispetta sa crianza.

Crianza doverosa

po saludu doviziosu,

dona fida generosa

in su mundu pru gioiosu.

Is terras ki at lassau

no t'anti impoberiu

ni mancu anti arriccau

a ki totu adi arricciu.

No esistidi arrikesa

de ingolli in Paradisu

ma evitendi s'arravesa

e saludendi cun sorrisu.

Candu a su saludu

sa facci ci ddi cuasa,

Deus abarra mudu

a is arrikiestas tuasa.

Cusano Milanino, 2 Febbraio 2012