A ELIA

A Elia

S'onestadi vera

in sa famiglia mia,

cussa prus sincera

dd'at dimostrada Elia.

Candu incora fu pitiu

po una formazioni cumprida

in seminariu fu partiu

po migliorai sa vida.

Da mamma at tentu donu

s'educazioni rigorosa

a custu fillu bonu

ddu càstiada orgogliosa.

Cun totus educau

e sempri premurosu

in collegiu s'est formau

e in s'arma imperiosu.

S'onestadi est istada

po cussu preminenti

cun rispettu accumpangiada

e sempri cumpraxenti.

Sa generosidadi

dda potada in sa menti,

scun sinnu de bontadi

de s'omini balenti.

De fisicu possenti

e intrania poderosa,

in su coru e in sa menti

po vida gioiosa.

S'arroda de sa vida

no girada a pausu

saludi consumida

ddu bissidi a s'umprusu.

Su coru mesu sconciu

dd'at depiu sopportai

a dolori mannu è lompiu

po ddu podi riparai.

Cun fradi miu gioiosu

dividu sa dolentia

ki tengiat sempri gosu

e no bia pru sofferentia.

Cusano Milanino 21 Dicembre 2013