ISPOSUS NUEDDUS

ISPOSUS NUEDDUS

Mistica sa sposa

cun Federicu vigorosu,

prus bella de una rosa

po onorai su sposu.

S'anti scambiau is goneddus

po sigillai s'eventu,

anti pronunciau is fueddus

cun d-onnya sacramentu.

Arrunzus de usanza

cun su ritu antigu

po augurai abbundanza

de saludi e trigu.

At riuniu is parentis

e amigus de costau

in tempus differentis

s'orgogliu at sotterrau.

At donau importanza

a su sentimentu antigu

po bivi in s'allianza

comenti a d-onnya amigu.

Custa die gioiosa

ddeis prena de alligria

su sposu cun sa sposa

ki bivanta in armonia.

Sa fortuna s'accumpangidi mei disigius,

e sa sorti si biada a manu pigada,

in d-onnya ora si durinti is fastigius.

In beccesa s'inci porti custa strada.

Po custa dì gioiosa

cun totus arralligrius

po nosu siat diciosa

po cantu asessi bius.

Antonio Giuseppe Abis, Gonnostramatza 23 Agosto 2014

Per le nozze di Mistica e Federico