Margherita e Claudiu in cojanza

Oi est die bella pro bosu

Est arruncanti pro nosu.

Margherita isposa

e Claudiu sposu,

sa die siat diciosa

e prena d'onnya gosu.

Sa die s'est ralligrida

po nosu e s'amiganza,

ki un custa die nodida

s'acciungit in cojanza

Sa principessa mia

rejna est diventada,

a Claudiu rei s'est unia

in cust'ora scioberada.

De biancu s'est bistida

E in nobilesa presentada,

die noba s'est aberrida

in cust'ora disigiada.

Cumandus no si cantu

po sa vida de bivìri,

pregu solu a Babbu Santu

ki si ottenat su bidìri.

S'anima oh filesta!

ananti ti camminidi,

d'onnya die molesta

de is passus s'arritiridi.

A su disigiu miu

no donu cumandiztia,

d'onnya passu sia cumpriu

de ammentus de propitia

De is passus ki poneis

s'impronta siat matessia

in loriga ascuteis

s'intesa ki s'è impressia.

Aici, d'onnya die si trassidi

e prena de armonia,

in coru ostu lassidi

po sempri s'alligria.

S'amori ki oi s'imbragada

no lassit su tiranti,

si stringiada in sa vida

de palas e de ananti. Antonio Giuseppe Abis 7 Luglio 2016 Villa valenza Rovato